Програм за здраво слабеење

Правилната исхрана е најдобрата основа за нашето здравје, а колку е таа поразновидна, толку повеќе придонесува за добра состојба на целиот организам. Програмот за здраво слабеење не е краткотраен режим, туку начин да ја доведете тежината во рамнотежа преку навики што може да ги задржите.

Планот вклучува разновидна исхрана со традиционална кујна, без гладување, со три оброци и две ужинки и напитоци што се консумираат помеѓу оброците. Наместо калории, работиме со правилни интервали и количини — што, колку и кога се јаде — и со правилни комбинации на храната што веќе ја сакате.

• Возрасни кои сакаат да ја намалат телесната тежина постепено и трајно.
• Оние на кои досегашните диети им давале привремен резултат (јо-јо ефект).
• Луѓе што сакаат план применлив во секојдневието, со храна од нашата кујна.

Доколку имате дијагностицирана здравствена состојба или примате терапија, планот се прилагодува во соработка со вашиот лекар.

1. Воведна консултација и анамнеза. Разговараме за вашите навики, секојдневие, цели и моментална состојба.
2. Персонален план. Во рок од неколку дена добивате план и мени прилагодени на вас, со листа на препорачани намирници.
3. Контролни консултации. Следиме како се чувствувате, што функционира, а што треба да се прилагоди.
4. Навики што остануваат. Целта е планот постепено да стане ваш нормален начин на исхрана — без „режим“.